कुरुहिनशेट्टी लिंगायत कोष्टी समाजाच्या करमाळा तालुका अध्यक्षपदी गजेंद्र गुरव तर उपाध्यक्षपदी आनंद न्हावकर यांची निवड

करमाळा प्रतिनिधी : कुरूहिनशेट्टी लिंगायत कोष्टी समाजाच्या करमाळा तालुका अध्यक्षपदी गजेंद्र गुरव तर उपाध्यक्षपदी आनंद न्हावकर यांची निवड करण्यात आली. त्याचबरोबर खजिनदारपदी सचिन माहूले, सचिवपदी जयंत कोष्टी यांची निवड करण्यात आली.
ह्या निवडी करमाळा येथे आयोजित बैठकी दरम्यान करण्यात आल्या.
भविष्यामध्ये कोष्टी समाजाचा विकास व्हावा तसेच कोष्टी समाजाचे विविध प्रश्न मार्गी लावण्याचे काम हाती घेणार असल्याचे निवडी नंतर नवनियुक्त अध्यक्ष गजेंद्र गुरव यांनी सत्काराला उत्तर देताना आपले मत व्यक्त केले.
करमाळा कोष्टी समाज राज्यामध्ये उल्लेखनीय सामाजिक कार्य करणार असून;सर्वांना सोबत घेऊन विविध उपक्रम राबवणार असल्याचेही त्यांनी सांगितले.
यावेळी कुरूहिनशेट्टी लिंगायत कोष्टी समाज महाराष्ट्र राज्य युवा कार्यकारणी सदस्य सतीश शहापूरे यांनी समाजाला मार्गदर्शन केले.
यावेळी जेष्ठ कार्यकर्ते सुरेश राक्षे, विजय राक्षे, भारत माहूले, राजेद्र माहूले, दिपक न्हावकर, राजेंद्र गुंजेगावकर, सचिन माहूले, उमेश माहूले, पिंटू माहूले, अमोल कुर्हे , शिवाजी माहूले, नंदकुमार हुंदाडे, निलेश राक्षे, ह.भ.प. कानिफनाथ आगम सर उपस्थित होते.