शिवसेनेवर अधिकार कुणाचा? 16 आमदारांचं निलंबन– शिवसेनेवर अधिकार कुणाचा? आणि 16 आमदारांच्या निलंबनाच्या मुद्द्यावर उद्या सर्वोच्च न्यायालयात होणारी सुनावणी पुन्हा एकदा पुढे ढकलण्यात आली आहे. आताही सुनावणी 22 ऑगस्ट रोजी होईल. यापूर्वी, ही सुनावणी 10 ऑगस्ट रोजी होणार होती. मग ती 12 ऑगस्टला होणार होती, हे येथे उल्लेखनीय.मुख्यमंत्री एकनाथ शिंदे यांच्या मंत्रिमंडळाच्या पहिल्या विस्तारानंतर उद्या, गुरुवारी सर्वोच्च न्यायालयात सुनावणी होणार होती. शिंदे गट आणि उद्धव ठाकरे गट यांच्या पाच याचिकावर ही सुनावणी सुरू आहे. उद्या, दि 12 रोजी होणारी सुनावणी आता 22 ऑगस्ट रोजी होणार आहे.“खरी शिवसेना आमचीच’ असा दावा सेना प्रमुख उद्धव ठाकरे आणि एकनाथ शिंदे यांनी केला आहे. ही याचिका घटनापीठाकडे पाठवायची की नाही? ही बाब सर्वोच्च न्यायालयाकडून ठरविली जाणार आहे. शिवसेनेने केलेली निलंबनाची कारवाई या मुद्द्यावर उद्धव ठाकरे आणि एकनाथ शिंदे गट आमने-सामने असून दोन्ही पक्षांच्या वकिलांनी मागच्या सुनावणीत तर्कवितर्क मांडले होते.दरम्यान, सरन्यायाधीश एन व्ही रमणा हे 26 ऑगस्टला निवृत्त होणार आहेत. यामुळे ही सुनावणी त्यांच्याच घटनापीठासमोर कायम राहण्याची शक्‍यता आता खूप कमी आहे. या आधी सरन्यायाधीश रमणा यांनी या प्रकरणावर सुनावणी करताना अत्यंत कडक अशा शब्दात ताशेरे ओढले होते. त्यामुळे 22 तारखेच्या सुनावणीत काय निर्णय होणार याकडे सर्वांचे लक्ष लागले आहे.
करमाळा प्रतिनिधी निमगाव (टें.) येथील आदर्श सरपंच तथा विठ्ठल कॉर्पोरेशनचे कार्यकारी संचालक श्री. यशवंत संजयमामा…
करमाळा प्रतिनिधी करमाळा येथील कमलाभवानी बहुउद्देशीय संस्थेचे अध्यक्ष तथा सुरताल संगीत विद्यालयाचे प्राचार्य श्री. बाळासाहेब…
करमाळा प्रतिनिधी करमाळा शहरातील दगडी रोड येथील रहिवासी शारदा सुरेश पिसे (वय ७१) यांचे अल्पशा…
करमाळा प्रतिनिधी काँग्रेस इंडी आघाडी आणि डाव्या पक्षांकडून भारतीय जनता पक्षाविरोधात खोटा प्रचार करून पक्षाची…
करमाळा प्रतिनिधी करमाळा तालुक्याची दुष्काळ निवारण व पाणीटंचाई आढावा बैठक आमदार. नारायण( आबा) पाटील यांचे…
करमाळा : प्रतिनिधी मेहनत, जिद्द, सातत्यपूर्ण अभ्यास आणि ध्येयाप्रती असलेल्या निष्ठेच्या जोरावर डॉ. अजिंक्य रविकिरण…