शिंदे गटासोबत असल्याचे भासवून जाणीवपूर्वक जनतेची दिशाभूल करू नका – प्रियांका गायकवाड

करमाळा प्रतिनिधी :- शिवसेना पक्षप्रमुख उद्धव ठाकरे यांच्या मार्गदर्शनाखाली मी व आमची युवा सेना कार्यरत आहे. परंतु काही विघ्नसंतोषी लोक नाहक शिंदे गटासोबत असल्याच्या वावड्या उठवित आहेत. काही वर्तमान पत्रात, मोबाईल पेजवर आमच्या परस्पर जाहिराती प्रसिद्ध करीत आहेत. परंतु आम्ही कालही, आजही आणि उद्याही फक्त उद्धव ठाकरे यांच्या नेतृत्वाखाली काम करीत राहणार आहे.
आमचे पक्ष संघटन जोमाने सुरु असल्याने विरोधकांच्या पायाखालची वाळू सरकली आहे. आमच्या कार्याला ब्रेक लावण्याचा प्रयत्न फसल्याने विरोधकांनी खोट्या वल्गना करून आमचे राजकीय जीवन संपविण्याचा जो केविलवाना प्रयत्न चालू तो तात्काळ थांबवावा आम्ही तुमच्या कुरघोड्याने पक्षाचे काम थांबवणार नसून आणखी जोमानेकाम करु. करमाळयात शिवसेना मजबूत करून विरोधकांना आम्ही (शिवसेना महिला आघाडी व युवा सेना) कामाच्या जोरावर त्यांच्या जोरदार चपराक लावणार असल्याचे कणखर प्रतिपादन यावेळी गायकवाड यांनी घेतले.
यावेळी महिला तालुका उपप्रमुख साधना गोसावी, प्रियांका पवार, शहर प्रमुख रेखा परदेशी, युवा सेना जिल्हा उपप्रमुख मयूर यादव, तालुका प्रमुख राहूल कानगुडे, शहर प्रमुख विशाल गायकवाड, तालुका समन्वयक दादासाहेब तनपुरे, उपशहर प्रमुख प्रसाद निंबाळकर, मनिषा कारंडे, सुवर्णा सुरवसे, आदी पदाधिकारी उपस्थित होते.