संविधान दिन व जागतिक एड्स दिनानिमित्त यशवंतराव चव्हाण महाविद्यालयात भव्य रॅली

करमाळा प्रतिनिधी – यशवंतराव चव्हाण महाविद्यालयात संस्थेचे सचिव विलासरावजी घुमरे , संस्थेचे अध्यक्ष प्राचार्य मिलिंद फंड प्राचार्य डॉ.एल. बी. पाटील यांनी केलेल्या मार्गदर्शक सुचनेनुसार भव्य रॅलीचे आयोजन करण्यात आले . उपप्राचार्य कॅप्टन संभाजी किर्दाक , विधी सेवा समिती व वकील संघ करमाळा यांच्या संयुक्त विद्यमाने भव्य रॅलीचे आयोजन करण्यात आले. या रॅलीचा शुभारंभ न्यायाधीश सौ. मिना एक्के , न्यायाधीश शिवपात्री आर. ए. , उपप्राचार्य कॅप्टन संभाजी किर्दाक , अँड. महादेव कांबळे , अँड. योगेश शिंपी , वकील संघाचे पदाधिकारी , राष्ट्रीय सेवा योजना + 2 स्तरचे जिल्हा समन्वयक प्रा. एल. टी. राख , कनिष्ठ व वरिष्ठ विभागातील सर्व प्राध्यापक तसेच NCCचे CT0 श्री. निलेश भुसारे उपस्थित होते .
संविधान सप्ताह व एड्स दिनानिमित्त विद्यार्थ्यांनी घोषणा देऊन शहर दणाणून सोडले. थोर समाजसेवक महात्मा ज्योतिराव फुले व डॉ. बाबासाहेब आंबेडकर यांच्या पुतळ्याला पुष्पहार घालून अभिवादन केले . तसेच एड्स दिनाचे औचित्य साधन राष्ट्रीय सेवा योजनेतील स्वयंसेवकांनी पथनाट्यच्या माध्यमातून जनजागृती केली सदर रॅलीचे सांगता समारंभ महाविद्यालयाच्या प्रांगणात झाला . सांगता समारोप प्रसंगी करमाळ्याच्या न्यायाधीश सौ. मिना एक्के मॅडम यांनी संविधान दिनाचे महत्त्व समजावून सांगितले. स्वयंसेवकांचे पथनाट्य पाहून कौतुक केले . तसेच डॉ. बाबासाहेब आंबेडकर पुतळ्यासमोर अँड.महादेव कांबळे यांनी संविधान दिनाची सखोल माहिती सांगितली तसेच या रॅलीमध्ये 9 MAH बटालियनचे कॅडेट व राष्ट्रीय सेवा योजनेचे स्वयंसेवक मोठ्या संख्येने उस्फूर्तपणे सहभागी झाले होते .