करमाळा तालुक्यात ग्रामपंचायत निवडणुकीची रणधुमाळी सुरू सरपंचपदासाठी १३५ व ग्रामपंचायत सदस्यपदासाठी एकुण ६२५ अर्ज

करमाळा प्रतिनिधी

करमाळा तालुक्यात  ग्रामपंचायत निवडणुकीची रणधुमाळी सुरू झाली आहे.  सरपंचपदासाठी १३५ व ग्रामपंचायत सदस्यपदासाठी एकुण ६२५ अर्ज आले आहेत. शुक्रवार अर्ज दाखल करण्याचा शेवटचा दिवस होता. कोणताही अनुचित प्रकार घडू नये म्हणून निवडणुक सनियंत्रण अधिकारी तथा तहसीलदार समीर माने, नायब तहसीलदार विजयकुमार जाधव, सहाय्यक पोलिस निरीक्षक मिटू जगदाळे उपस्थित होते.करमाळा तालुक्यात ३० सरपंच व २४४ सदस्यांसाठी ३० गावात ९० प्रभागात निवडणुक होणार आहे. सोमवारी (ता. ५) पंचायत समितीच्या सभागृहात अर्जाची छानणी होणार आहे.

गावनिहाय आलेले सरपंच व सदस्याचे अर्ज (कंसातील आकडे सदस्य आहेत) : वरकाटणे : ४(४१), कात्रज : ४ (१४), गोयेगाव : ४ (१६), हिंगणी : ७ (२५), पोमलवाडी : २ (१०), रिटेवाडी : ५ (७), शेलगाव वा. : ११ (४१), जिंती : ४ (२९), मांजरगाव : ३ (७), पोंधवडी : ४ (२५), कोंढारचिंचोली : ५ (२२), वाशिंबे : १० (३६), वंजारवाडी : ३ (१०), कुंभारगाव : ३ (२३), अंजनडोह : १ (११), कामोणे : ४ (२७), दहिगाव : ३ (२४), देलवडी : ३ (१६), दिवेगव्हण : ४ (३३), तरटगाव : ३ (२१), मोरवड : ८ (२३), लिंबेवाडी : १ (७), खडकी : ५ (१४), सोगाव : ४ (२४), विहाळ : २ (२५), भिलारवाडी : ४ (२४), खातगाव २ (११), पोफळज : ८ (२०), पारेवाडी : ४ (२३) व टाकळी रा. : ८ (१६) असे अर्ज आले आहेत.