करमाळा प्रतिनिधी आपल्या वाचाळ वाणीतून राष्ट्रपुरुषांबद्दल अवमानकारक वक्तव्य करून सामाजिक स्वास्थ्य बिघडवनारांच्या विरोधात थेट राष्ट्रद्रोहाचा गुन्हा दाखल करून कडक कारवाई करण्यात यावी अशी मागणी करमाळ्याचे माजी आमदार जयवंतराव जगताप यांनी मुख्यमंत्री व उपमुख्यमंत्री यांचेकडे केली आहे. सध्या राज्यासह देशभरात अखंड हिंदुस्थानचे आराध्य दैवत छत्रपती शिवाजी महाराजांच्या विषयी अपुऱ्या ज्ञानातून अथवा कलुषित मनोवृत्तीतून अपमानकारक वक्तव्य केली जात आहेत. यातून जनतेमध्ये तीव्र स्वरूपात असंतोष आहे. मुळातच भारत देश हा विविध धर्म,जाती,पंथ,संस्कृती,भाषा यासह विविधतेने घडलेला असून देखील सर्व नागरिक गुण्यागोविंदाने राहत आहेत.सध्या देशापुढे शिक्षण,आरोग्य, रोजगार,दैनदिन मुलभूत गरजा आदी जटील प्रश्न उभे असताना याकडे दुर्लक्ष करीत काही असंतुष्ट व्यक्ती थोर राष्ट्रपुरुषांबद्दल अवमानकारक वक्तव्य करून जनतेच्या मनातील भावना कलुषित करून सामाजिक स्वास्थ्य बिघडवत आहेत.तरी यापुढे छत्रपती शिवाजी महाराज वा अन्य राष्ट्रपुरुष,साधू-संत,देवी-देवता अथवा धर्माबद्दल अपुऱ्या वाचनातून ,ज्ञानातून अवमानकारक वक्तव्य करणारे मग ते कितीही उच्च पदस्थ अधिकारी,पदाधिकारी अथवा सामान्य नागरिक असो त्यांच्या विरोधात थेट राष्ट्रद्रोहाचा गुन्हा दाखल करून कडक कारवाई करावी. वेळ पडल्यास येणाऱ्या हिवाळी अधिवेशनात विधेयक आणून थेट कायदाच करावा अशी करमाळ्याचे माजी आमदार जयवंतराव जगताप यांनी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांचेकडे केली आहे.
करमाळा प्रतिनिधी उसाला प्रतिटन चार हजार रुपये दर मिळावा, यासह शेतकरी व सर्वसामान्य नागरिकांच्या नऊ…
करमाळा प्रतिनिधी करमाळा येथील शिवाजीनगरमधील रहिवासी तथा सिव्हिल इंजिनिअर प्रसिद्ध क्राॅन्ट्रक्टर श्री. शैलेश मधुकर खडके…
करमाळा प्रतिनिधी ग्रामीण भागातील विद्यार्थ्यांना पोलीस, सैन्यदल, एनडीए व अग्निवीर यांसारख्या संरक्षण आणि शासकीय…
करमाळा प्रतिनिधी सहकार, विश्वास आणि आर्थिक प्रगतीचा वारसा जपत ग्राहकांना आधुनिक बँकिंग सुविधा उपलब्ध करून…
करमाळा : प्रतिनिधी सोलापूर जिल्हा मध्यवर्ती सहकारी बँकेच्या निवडणुकीत करमाळा तालुक्यातील सोसायटी मतदारसंघातून शंभूराजे जयवंतराव…
जिंती (प्रतिनिधी) : शालेय जीवनातील आठवणी आणि गुरुजनांनी दिलेले संस्कार आयुष्यभर विसरता येत नाहीत.…