दत्तकला”मध्ये अभियांत्रिकी विभागाचा स्वागत समारंभ संपन्न

भिगवण प्रतिनिधी
दत्तकला शिक्षण संस्था संचालित दत्तकला ग्रुप ऑफ इन्स्टिट्यूट या महाविद्यालयात शैक्षणिक वर्ष २०२२-२०२३ मध्ये प्रथम व थेट द्वितीय वर्ष अभियांत्रिकी विभागाच्या नव्याने प्रवेशित झालेल्या विद्यार्थ्याचा स्वागत समारंभ मंगळवार १३/१२/२०२२ रोजी संपन्न झाला. या कार्यक्रमासाठी सावित्रीबाई फूले पुणे विद्यापीठाचे विज्ञान आणि तंत्रज्ञान विभागाचे सहयोगी विभाग प्रमुख डॉ . प्रमोद पाटील यांच्या प्रमुख उपस्थित व संस्थेचे संस्थापक अध्यक्ष प्रा. रामदास झोळ यांच्या अध्यक्षतेखाली संपन्न झाला . या कार्यक्रम प्रसंगी संस्थेचे उपाध्यक्ष राणा सूर्यवंशी ,संस्थेच्या सचिव माया झोळ ,प्रशासकीय अधिकारी डॉ .विशाल बाबर, विभागीय संचालक डॉ . शरद कर्णे ,प्राचार्य डॉ. अप्पासो केस्ते,उपप्राचार्य श्रीकांत साळुंके यांच्यासह अभियांत्रिकी विभागाचे विभागप्रमुख, सर्व कर्मचारी व विद्यार्थी उपस्थित होते. सदर कार्यक्रम प्रसंगी बोलताना प्रा . रामदास झोळ म्हणाले कि,विद्यार्थांनी सर्वगुण संपंन्न होणे गरजेचे आहे व त्यावर विद्यार्थांचा विकास होत असतो . महाविद्यालयीन जीवन हे जगत असताना सर्व गोष्टींचा अनुभव घेणे गरजेचे आहे . तसेच कार्यक्रमाचे प्रमुख पाहुणे डॉ . प्रमोद पाटील बोलताना म्हणाले , विद्यार्थ्याना संशोधन, सर्वांगीण विकास याबात विद्यार्थ्यांना मार्गदर्शन केले . तसेच विद्यार्थ्याने प्रथम वर्ष ते चतुर्थ वर्षापर्यंत चांगल्या प्रकारे गुण मिळवले तर पुढील आयुष्य चांगले जाते व विद्यार्थ्यांनी संशोधन क्षेत्रात क्रांती करून नवीन बदल करावेत व विद्यार्थ्यांना विद्यापीठामधील होणारे बदल व नवीन शैक्षणिक धोरणे याबद्दल मार्गदर्शन विद्यार्थ्यांना शुभेच्छा दिल्या. कार्यक्रमाचे सूत्रसंचालन काजल सावळकर , आभार प्रदर्शन प्रा .संतोष काठाळे यांनी केले .