करमाळा प्रतिनिधी ओटीएस च्या नियमांतर्गत ज्यादिवशी शंभर टक्के रक्कम बँकेकडे जमा केली जाईल त्यादिवशी शेतकर्‍याचे क्षेत्र, पिक, पिककर्जाच्या दुप्पट रकमेचा इकरार बोजा नोंदीचा सातबारा आदी बाबींची पूर्तता होताच तिसऱ्या दिवशी शेतकर्‍याचा कर्जरोखा करण्याचा स्तुत्य निर्णय सोलापूर जिल्हा बँकेच्या प्रशासकीय मंडळाचे अध्यक्ष कुंदन भोळे यांनी घेतला आहे . याबाबत बँकेचे माजी व्हा . चेअरमन तथा माजी आमदार जयवंतराव जगताप यांनी श्री भोळे यांनी पदभार घेताच लेखी निवेदनाव्दारे व दुरध्वनीवरून संपर्क साधत मागणी केली होती . जगताप यांनी दिलेल्या लेखी निवेदनात ओटीएस (एकरकमी परतफेड योजना ) मधे सहभागी थकबाकीदार शेतकर्‍यांना पुन्हा नव्याने कर्जवाटप होत नसल्याने याचा बँकेची थकबाकी वसुलीवर होत असलेला परिणाम व पर्यायाने सदरचे शेतकरी हे राष्ट्रीयीकृत बँकेकडे तसेच खाजगी सावकारीकडे वळत असले बाबत लक्ष वेधले होते . त्यामुळे ओटीएस ची प्रभावी अंमलबजावणी व सहभागी शेतकर्‍यांना सोसायटी मार्फत कर्जवाटप करणेची मागणी केली होती . जिल्हा उपनिबंधक कुंदन भोळे यांनी बँकेच्या प्रशासकीय मंडळाच्या अध्यक्षपदाचा पदभार घेताच माजी आमदार जगताप यांनी केलेली मागणी व शेतकरी तसेच बँकेच्या हिताच्या दृष्टीने घेतलेल्या निर्णया बाबत जिल्हाभरातून सर्वत्र स्वागत केले जात आहे . _याबरोबरच माजी आमदार जगताप यांनी जिल्हा बँक व सोसायटी यांच्यामधील कर्जवाटप तसेच वसुलीसाठी महत्वाचा दुवा म्हणून काम करीत असलेल्या गटसचिवांच्या थकीत व नियमीत पगारी बाबत निर्णय घेणेविषयी मागणी केली असून याबाबत देखील सकारात्मक असल्याचे श्री .भोळे यांनी सांगितले_ .
करमाळा प्रतिनिधी भारतीय संस्कृतीत गोमातेला अत्यंत पवित्र आणि पूजनीय स्थान असून, गोसेवा ही श्रद्धा, संस्कार…
करमाळा प्रतिनिधी निमगाव (टें.) येथील आदर्श सरपंच तथा विठ्ठल कॉर्पोरेशनचे कार्यकारी संचालक श्री. यशवंत संजयमामा…
करमाळा प्रतिनिधी करमाळा येथील कमलाभवानी बहुउद्देशीय संस्थेचे अध्यक्ष तथा सुरताल संगीत विद्यालयाचे प्राचार्य श्री. बाळासाहेब…
करमाळा प्रतिनिधी करमाळा शहरातील दगडी रोड येथील रहिवासी शारदा सुरेश पिसे (वय ७१) यांचे अल्पशा…
करमाळा प्रतिनिधी काँग्रेस इंडी आघाडी आणि डाव्या पक्षांकडून भारतीय जनता पक्षाविरोधात खोटा प्रचार करून पक्षाची…
करमाळा प्रतिनिधी करमाळा तालुक्याची दुष्काळ निवारण व पाणीटंचाई आढावा बैठक आमदार. नारायण( आबा) पाटील यांचे…