पारेवाडी ग्रामपंचायतीच्या उपसरपंचपदी सुशीला सरवदे बिनविरोध

केत्तूर ( अभय माने ) पारेवाडी (ता. करमाळा) येथील ग्रामपंचायत उपसरपंचपदी सुनिता सुशीलकुमार सरवदे यांची बिनविरोध निवड करण्यात आली.

उपसरपंच निवड प्रक्रिया नूतन लोकनियुक्त सरपंच वंदना हनुमंत नवले यांच्या अध्यक्षतेखाली पार पडली. यावेळी निवडणूक अधिकारी म्हणून अमोल जगताप, ग्रामसेवक शंकर शेंडे, गाव कामगार तलाठी लोमटे यांनी अधिकारी म्हणून काम पाहिले .

येथील ग्रामस्थ व समविचारी नागरिकांनी एकत्र येऊन कै. ह भ प धोंडोपंत ग्रामसभा पॅनल करून निवडणूक लढवली होती त्यापैकी सत्ताधाऱ्यांना केवळ दोनच जागा मिळाल्या तर सुमारे 42 वर्षानंतर सत्ता बदल करत लोक नियुक्त सरपंच म्हणून वंदना हनुमंत नवले यांची तर सुनिता सुशीलकुमार सरवदे, कौशल्या मधुकर गुंडगिरे, इंदुबाई नामदेव सोनवणे, संतोष अशोक शिंदे, बापूसाहेब भारत मोरे, गणेश नवनाथ खोटे यांची सदस्य म्हणून निवड झाली होती.उपसरपंच निवडीवेळी सर्व सदस्यांसह महादेव नवले,पांडुरंग नवले, दत्तात्रय घाडगे, मधुकर गुंडगिरे, शिवाजी मोहिते आदिंसह ग्रामस्थ मोठ्या संख्येने उपस्थित होते.राजकारण हे केवळ सत्ता मिळवण्यापुरतेच मर्यादित ठेवून निवडणुकीनंतर गावाचा सर्वांगीण विकास साध्य करत गट तट विसरून मतदारांनी दिलेला कौल याची जाण ठेवून गावाचा विकास हेच एकमेव ध्येय ठेवून कारभार चालविणार असल्याचे प्रतिपादन लोकनियुक्त सरपंच वंदना नवले व उपसरपंच सुनीता सरोदे यांनी व्यक्त केली निवडीनंतर दोघींचाही ग्रामस्थांच्या वतीने सत्कार करण्यात आला.