सरपंच परिषद मुंबई महाराष्ट्र यांच्या दिनदर्शिकेचे गटविकास अधिकारी मनोज राऊत यांच्या हस्ते प्रकाशन

_करमाळा (प्रतिनिधी) : करमाळा पंचायत समिती येथे सरपंच परिषद मुंबई महाराष्ट्र यांच्या सोलापूर जिल्ह्याच्या दिनदर्शिकेचा प्रकाशन सोहळा करमाळा पंचायत समितीचे गटविकास अधिकारी मनोज राऊत यांच्या हस्ते मोठ्या दिमाखात संपन्न झाला._

_सरपंच परिषद मुंबई महाराष्ट्र च्या सोलापूर जिल्हा पदाधिकारी यांच्या वतीने सरपंच परिषद मुंबई महाराष्ट्र च्या करमाळा तालुका अध्यक्ष डॉ. अमोल दुरंदे यांच्या संकल्पनेतून दिनदर्शिका तयार केली आहे. यावेळी बोलताना सरपंच डॉ. दुरंदे म्हणाले की परिषदेच्या माध्यमातून आम्ही सरपंच, उपसरपंच सदस्य यांच्या न्याय हक्कासाठी लढा देत असून या सोबत गावच्या विकासासाठी आम्ही परिषदेच्या माध्यमातून प्रयत्न करित आहोत. तालुक्यातील प्रत्येक गावात व कार्यालयात सरपंच परिषदेचे काम पोहचवण्याचं आम्ही या दिनदर्शिकेचा माध्यमातून करित आहोत._

_यावेळी गटविकास अधिकारी राऊत यांचा शाल श्रीफळ देऊन सन्मान करण्यात आला. सरपंच डॉक्टर अमोल दुरंदे,शालेय व्यवस्थापन समितीचे अध्यक्ष गणेश जाधव, नवनाथ दुरंदे इतर सर्व उपस्तिथ सरपंच, ग्रामसेवक उपस्थित होते. प्रदेश सरचिटणीस adv.विकास जाधव, जिल्हाध्यक्ष आदिनाथ देशमुख यांनी करमाळा सरपंच परिषदेचे कौतुक केले, खूप छान माहिती दिनदर्शिक मध्ये उपलब्ध आहे आणि आपल्याकडून नेहमी अशीच सेवा घडत राहो अश्या शुभेच्छा दिल्या. यावेळी पंचायत समिती मधील कर्मचारी उपस्थित होते._