प्रेरणा मानव विकास प्रतिष्ठानच्या वतीने गरजू व गरीब लोकांना दिवाळी फराळ वाटप

करमाळा (प्रतिनिधी) – प्रेरणा मानव विकास प्रतिष्ठान या सामाजिक संस्थेच्या वतीने करमाळा शहरांमधील गरजू, अनाथ, व गरीब लोकांना दिवाळीनिमित्त मिठाई व फराळाचे वाटप करण्यात आले यावेळी प्रतिष्ठानचे अध्यक्ष रामदास कांबळे बोलताना म्हणाले कि प्रेरणा मानव विकास प्रतिष्ठान तर्फे आम्ही वर्षभर समाजातील गरीब अनाथ असाहाय्य वंचित घटकांसाठी काम करत असतो दिवाळी हा सण वर्षातील खूप मोठा सण असून या सणाला सर्व लोक खूप उत्साहाने साजरा करत असतात परंतु समाजातील उपेक्षित वंचित गरीब लोकांना अशा आनंदा पासून वंचित राहावे लागते त्यामुळे आम्ही समाजातील गरीब वंचित लोकांच्या चेहऱ्यावर या छोट्याशा मदतीच्या माध्यमातूनआनंद फुलवण्याचा प्रयत्न करतो. असे कांबळे बोलताना म्हणाले यावेळी राष्ट्रवादी काँग्रेस सोलापूर जिल्हा उपाध्यक्ष गणेश कांबळे उपजिल्हा रुग्णालयाचे ओएसडी कपिल भालेराव, विभूतेसर, आदी सह विविध मान्यवर उपस्थित होते.