कुणबीचे दाखले मराठा समाजा बरोबर मुस्लीम समाजाला देण्याची मागणी

करमाळा प्रतिनिधी महाराष्ट्र राज्य सरकारने मराठा समाजाला आरक्षण मिळावे म्हणून कुणबी दाखले जुन्या नोंदी पाहण्यासाठी व अभ्यास करण्यासाठी शिंदे समिती स्थापन केली होती. शिंदे समितीच्या माध्यमातून जुन्या महसुली नोंदी पाहण्यासाठी महाराष्ट्रातील सर्व तहसील कार्यालयात शोध मोहीम चालू असुन ते शोधत असताना निजामकालीन दस्तऐवज किंवा जन्म मृत्यू दाखले, शाळेचे दाखले व इतर महसुली नोंदी मध्ये मराठा समाजाच्या नोंदी बरोबर मुस्लीम समाजातील नागरिकांच्या जुन्या महसुली नोंदी मध्ये कुणबी – मुस्लीम असा उल्लेख असलेल्या नोंदी आढळून आल्या आहेत. त्यामुळे मुस्लीम समाजातील ज्या नागरिकांच्या जुन्या महसुली नोंदी मध्ये कुणबी – मराठा बरोबर कुणबी – मुस्लीम असा जातीचा दाखला सुद्धा देण्यात यावा व मुस्लीम समाजातील या नोंदी ग्राह्य धरुन मुस्लीम समाजाला सुद्धा न्याय देण्यात यावा व त्यांना या सर्व सवलती आमच्या मराठा समाजातील बंधु प्रमाणेच मुस्लीम समाजाला सुद्धा या सर्व सवलती मिळाव्यात त्यांनी यापासून वंचित ठेवु नये अशी मागणी भारतरत्न डॉ ए पी जे अब्दुल कलाम फाउंडेशन व सकल मुस्लीम समाज करमाळा यांच्या माध्यमातून महाराष्ट्रा राज्य सरकारला मागणी करत असल्याचे सांगितले आहे.