धनगर समाजाला एस.टी.मधून आरक्षण मिळण्यासाठी प्राध्यापक रामदास झोळ फाऊंडेशन करमाळा यांच्या वतीने जाहीर पाठिंबा-प्रा. रामदास झोळ सर

करमाळा प्रतिनिधी
पंढरपूर येथे धनगर समाज बांधव एस टी मधून आरक्षण मिळावे यासाठी उपोषणास बसले आहेत त्यांची मागणी न्याय असून आपला त्यांच्या मागणीला पाठिंबा असल्याचे पत्र प्रा. रामदास झोळ फाउंडेशन करमाळा यांच्यावतीने पंढरपूर येथील धनगर समाज बांधवांना देण्यात आले.धनगर समाजाला एस.टी.मधून आरक्षण मिळण्यासाठी प्राध्यापक रामदास झोळ फाऊंडेशन करमाळा यांच्या वतीने जाहीर पाठिंबा-प्रा. रामदास झोळ सर* यावेळी दत्तकला शिक्षण संस्थेचे अध्यक्ष प्रा. रामदास झोळ सर, स्वाभिमानी शेतकरी संघटनेचे मा. श्री शिवाजीराव पाटील, जिल्हा कार्याध्यक्ष रवी गोडगे, गणेश मंगवडे, सुदर्शन शेळके, प्रशांत नाईकनवरे, बापू फडतरे, भीमराव ननवरे, सिद्धेश्वर घुगे, सत्यवान गायकवाड व बापू गायकवाड तसेच फाउंडेशनचे प्रा.संजय जगताप पदाधिकारी उपस्थित होते. त्यांनी दिलेल्या पाठिंबाच्या पत्रामध्ये असे म्हटले आहे की, संपुर्ण भारतामध्ये धनगर समाज हा धनगड या नावाने ओळखला असुन भारतातील अनेक राज्यांमध्ये धनगड समाजाला अनुसुचित जाती (एस.टी) या आदिवासी प्रवर्गातुन आरक्षण दिले जात असुन त्यानुसारच त्यांना शैक्षणिक व नोकरीमध्ये अनेक सवलती मिळतात. आपल्या महाराष्ट्रातच धनगर या नावाने हा समाज प्रचलित असुन त्यांना एन. टी या प्रवर्गातुन आरक्षण दिले जाते. आपण आपल्या उपोषणाने धनगर समाजाला अनुसुचित जाती (एस.टी) या प्रवर्गात समाविष्ट करण्यासाठी करत असलेल्या मागणीला माझा पाठिंबा आहे. तरी सर्व उपोषणकर्त्यांनी आपल्या तब्यतेची योग्य ती काळजी घेवून उपोषण पार पाडून, आपण उपोषणाद्वारे करित असलेल्या मागण्या महाराष्ट्र शासनाकडून मान्य व्हाव्यात, यासाठी मी सदैव आपल्यासोबत राहुन लढा देणार असल्याचे प्राध्यापक रामदास झोळसर यांनी सांगितले आहे.