कृषी बाजार समितीची सभा संपन्न : चंद्रकांत काका सरडे

करमाळा प्रतिनिधी करमाळा कृषी उत्पन्न बाजार समितीच्या सर्व संचालक मंडळाची सभा खेळीमेळीच्या वातावरणात संपन्न झाल्याचे आजच्या सभेचे अध्यक्ष चंद्रकांत सरडे यांनी सांगीतले . सभेच्या प्रारंभी आदिनाथचे माजी अध्यक्ष गोविंदबापू पाटील व माजी सभापती रमणलाल दोशी यांना श्रध्दांजली वाहण्यात आली . शोकसंदेशाचे वाचन केल्यानंतर सभापतीनी सभा तहकूब केल्याचे तोंडी सांगीतले . परंतु त्याच वेळी उपस्थित ११ सदस्यांनी सभेचे दुसरे अध्यक्ष नेमून कायदेशीर रित्या सभेचे कामकाज पार पाडण्याची सूचना सचिवांना केली . व त्यानुसार सचिवांनी सदस्यांच्या सूचनेनुसार माझी सभेच्या अध्यक्षस्थानी निवड केली व सभा पार पडली . सभापती,उपसभापती व उपस्थित सदस्यांनी प्रोसेंडींग व ठरावांवर सह्या करून उपस्थिती भत्ता स्विकारून गेले . व सर्व विषय सर्वानुमते मंजूर झाले . महाराष्ट्र कृषी उत्पन्न पणन (विकास व विनीमयन ) अधिनीयम १९६३, नियम १९६७ व बाजार समितीच्या मंजूर उपविधीतील तरतुदीनुसार सभेचे कामकाज संपन्न झाल्याचे व आजची सभा कायदेशीर पणे पार पडल्याचे सचिव सुनील शिंदे यांनी सांगीतले . सभेस माजी आमदार जयवंतराव जगताप, संतोष वारे यांचे सह इतर संचालक उपस्थित होते .