करमाळा शहरामध्ये 14 दिवसाचा जनता कर्फ्यू करावा जिल्हाधिकारी यांच्याकडे म. न. से. शहराध्यक्ष नानासाहेब मोरे यांची मागणी
                 

करमाळा प्रतिनिधी
            करमाळा शहरात कोरोना विषाणू या संसर्गजन्य आजाराचा प्रादुर्भाव वाढण्यास सुरवात झाली असुन काल तीन रूग्ण बाधीत आढळल्या नंतर करमाळा शहरातील अनेक भाग सील करण्यात आला असुन प्रशासनाने वेळीच रॅपीट टेस्टिंग घेतल्या मुळे हा धोका संथ गतीने वाढत असला तरी कोरोना विषाणू या संसर्गजन्य आजाराचा प्रादुर्भाव शहरात पसरत असल्याचे दिसून येत आहे हया पार्श्वभूमीवर करमाळा शहरात 1ऑगस्ट पासून 14 दिवसाचा लाॅकडाऊन जाहीर करावा अशी मागणी मनसेचे शहर अध्यक्ष नानासाहेब मोरे यांनी जिल्हाधिकारी यांचेकडे केली आहे
            यावेळी नानासाहेब मोरे यांनी दिलेल्या निवेदनात म्हटले आहे की सध्या  करमाळा शहरातील कोरोना बाधित रूग्णाकडुन अनेक नागरीक संपर्कात आलेले आहेत त्यामुळे करमाळा शहरात टेस्टिंग साठी अँटीजीन रॅपीट टेस्टिंग साठी 2000/–कीट ची गरज आहे . त्यामुळे करमाळा शहरातील संपर्कात आलेल्या सर्व नागरिकांची अॅन्टीजीन रॅपीट टेस्टिंग करण्यात यावी अशी मागणी त्यांनी निवेदनाद्वारे केली आहे .