करमाळा शहर व ग्रामीण भागात 20जुलै रोजी एक पाॅझिटीव्ह व तीस जणांचे रिपोर्ट निगेटिव्ह रुग्णांची संख्या 32
करमाळा प्रतिनिधी. करमाळा शहर व तालुक्यात कोरोनाची चांगलीच दहशत निर्माण झाली असून करमाळा शहरात गेल्या तीन ते चार दिवसापासून दररोज कोरोना पॉझिटीव्ह रुग्ण जास्त प्रमाणात सापडत होते परंतु आज मात्र काही प्रमाणात दिलासादायक चित्र असुन 20 जुलै रोजी एकूण 31 जणांची तपासणी केली. त्यामध्ये आळसुंदे गावातील एक पुरुष पाॅझिटीव्ह आला असून विशेष बाब म्हणजे 30 जणांचे रिपोर्ट निगेटिव्ह आले आहेत आता एकुण रुग्णाची संख़्या 32 झाली आहे.
करमाळा शहरात अनेक ठिकाणी कंटेन्मेंट झोन तयार केलेले असल्याने नागरिक आता बाहेर पडण्यास घाबरत आहेत. प्रशासनाकडून नागरीकांना वारंवार सांगण्यात येत आहे कि, आवश्यक असेल तरच घराबाहेर पडा अन्यथा बाहेर येऊ नका. नागरिकांनी प्रशासनाचे नियम पाळावे असेही आवाहन करण्यात येत आहे.
परगावी व परजिल्हा येथील लग्न समारंभ, सोहळे, विविध कार्यक्रम गर्दी करून जाणे टाळावे. करमाळा तालुक्यातील प्रत्येक नागरिकांनी प्रशासनाच्या सुचनांची अंमलबजावणी करावी.
– समीर माने (तहसीलदार, करमाळा)
