केकेआर फोटोग्राफर युनियन अध्यक्षपदी सागर डाळिंबे तर उपाध्यक्षपदी महिंद्र मांडगे यांची बिनविरोध निवड.
कर्जत प्रतिनिधी – कर्जत करमाळा रिव्होल्युशन फोटोग्राफर युनियनच्या अध्यक्षपदी आर्या फोटोग्राफीचे संचालक सागर डाळिंबे तर उपाध्यक्षपदी महिंद्र आर्ट चे संचालक महेंद्र मांडगे यांची बिनविरोध निवड करण्यात आली.
कर्जत येथील हॉटेल केशर व्हेज या ठिकाणी 21 एप्रिल रोजी दुपारी एक वाजता या बैठकीचे आयोजन करण्यात आले होते. माऊली जाधव,राज झिंजाडे,सचिन पोटे,शहाजी गोरे, दत्तात्रय ससाणे, संपत नेवसे, सुमित भैलुमे, संदीप साळवे, दादा पवार यांची संचालक पदी निवड करण्यात आली.
यासारखे लॅब मुंबई व केकेआर फोटोग्राफर युनियन यांच्या संयुक्त विद्यमानाने छायाचित्रकारांसाठी अल्बम डेमो चा कार्यक्रम आयोजित करण्यात आला होता. एस आर के लॅब ऑल इंडिया मार्केटिंग हेड प्रदीप शहा यांनी अल्बम व फोटोग्राफी क्षेत्राविषयी मार्गदर्शन केले तसेच नितीन कोल्हे, दत्ता ससाने, भाऊसाहेब गायकवाड,सचिन पोटे यांनी मनोगत व्यक्त केले. अण्णा बागल,भरत तुपे, राजेंद्र तोरडमल, महेंद्र पठाडे, अक्षय फरताडे, सागर पवार, कृष्णा जरांगे, तुकाराम सायकर,अशोक सुद्रिक आदी छायाचित्रकार उपस्थित होते. शिरीष यादव यांनी सर्वांचे आभार व्यक्त केले.
