करमाळा तालुक्याच्या सर्वागिंण विकासासाठी भरघोस निधी आणला असुन विकास कामांवर निवडणूक रिंगणात-आमदार संजयमामा शिंदे

करमाळा प्रतिनिधी करमाळा तालुक्याच्या सर्वागिंण विकासासाठी भरघोस निधी आणला असुन विकास कामांवर निवडणूक रिंगणात उतरलो आहे असे मत आमदार संजय मामा शिंदे यांनी करमाळा विधानसभा मतदारसंघ उमेदवारी अर्ज दाखल केल्यानंतर बोलताना व्यक्त केले आहे.करमाळयाचा या पुढेही विकास करायचा आहे. मी कधीही खोटी आश्वासने देत नाही आणि पुराव्याशिवाय बोलत नाही. त्यामुळे विकास कामाबाबत बोलण्याची माझी कधीही तयारी आहे’, असे म्हणत त्यांनी माजी आमदार नारायण पाटील यांनी दिलेले चॅलेंज स्वीकारले आहे.आमदार संजयमामा शिंदे यांनी करमाळा विधानसभा मतदारसंघासाठी सोमवार दिनांक २८ ॲाक्टोंबर रोजी साधेपणाने अपक्ष अर्ज दाखल केला आहे. यावेळी बाजार समितीचे माजी संचालक चंद्रकांत सरडे, विलास पाटील, बाजार समितीचे माजी उपसभापती दत्तात्रय अडसूळ, वीटचे उदय ढेरे, जिल्हा परिषदेचे माजी सदस्य उद्धव माळी, सामाजिक कार्यकर्ते विवेक येवले, मानसिंग खंडागळे, युवराज गपाट, चंद्रहस निमगिरे, सरपंच रवींद्र वळेकर, अशपाक जमादार, कन्हैयालाल देवी,माजी नगरसेवक प्रवीण जाधव, सावडीचे श्री. शेळके, केशव दास आदी उपस्थित होते. पोलिस निरीक्षक विनोद घुगे यांनी यावेळी कडक बंदोबस्त ठेवला होता.