शेतकरी सभासद यांचे हित जपण्यासाठी आदिनाथ साखर कारखान्याची जेऊर गटातून निवडणूक लढवणार -चंद्रकांत काका सरडे*

करमाळा प्रतिनिधी करमाळा तालुक्याचे माजी आमदार संजयमामा शिंदे यांचे कट्टर समर्थक म्हणून ओळखले जाणारे आदिनाथ सहकारी साखर कारखान्याचे व्हाईस चेअरमन चंद्रकांत काका सरडे यांनी आदिनाथ सहकारी साखर कारखान्याच्या निवडणुकीमध्ये सभासद व शेतकरी हितासाठी जेऊर गटातून आपला उमेदवारी अर्ज दाखल केला आहे. चंद्रकांत काका सरडे हे चिखलठाणचे माजी सरपंच प्रगतशील बागायतदार असून आदिनाथ सहकारी साखर कारखान्याचे व्हाईस चेअरमन तसेच संचालक म्हणून त्यांनी शेतकरी सभासद यांचे हीच जपण्याचे काम केले आहे. माजी आमदार संजय मामा शिंदे यांचे विश्वासू सहकारी म्हणून त्यांची एक वेगळी ओळख आहे. त्यांनी उमेदवारी अर्ज सर्वसाधारण ओबीसी राखीवमधुन सोमवार दिनांक 17 मार्च रोजी निवडणूक निर्णय अधिकारी अमोल भोसले सहाय्यक निवडणूक निर्णय अधिकारी तहसीलदार सौ शिल्पाताई ठोकडे यांच्याकडे दाखल केला असून शेतकरी सभासद यांच्या कल्याणासाठी व आदिनाथ सहकारी साखर कारखान्याला गतवैभव मिळवून देण्यासाठी आमदार संजयमामा शिंदे यांच्या नेतृत्वाखाली काम करणार असल्याचे माजी संचालक चंद्रकांत काका सरडे यांनी सांगितले आहे.