सोगावचे सरपंच विशाल सरडे यांचे सरपंच व सदस्य पद कायम

करमाळा प्रतिनिधी सोगावचे सरपंच विशाल सरडे यांचे सरपंच व सदस्य पद कायम ठेवण्यात आले आहे.शासकीय जमिनीवर अतिक्रमण केल्याच्या मुद्द्यावरून करमाळा तालुक्यातील सोगावचे सरपंच विशाल विश्वनाथ सरडे यांना अपात्र करावया मागणीसाठी मनोज दत्तात्रय घनवट यांनी जिल्हाधिकाऱ्याकडे ग्रामपंचायत अधिनियम 14 ज 3 खाली अर्ज दाखल केला होता. माननीय जिल्हाधिकारी कुमार आशीर्वाद यांच्यासमोर त्यांचा न्याय निवाडा होऊन सरपंच विशाल सरडे यांचे सरपंच पद व सदस्य पद कायम राहिल्याचे आदेश महसूल विभागाचे विद्यमान उपजिल्हाधिकारी संतोष देशमुख साहेब यांनी काढले आहेत. सरपंच विशाल सरडे यांच्या बाजूने एडवोकेट पांडुरंग माने यांनी युक्तिवाद केला. सोगाव ग्रामपंचायतचे सरपंच विशाल सरडे हे लोकनियुक्त सरपंच म्हणून निवडून आलेले आहेतसंपूर्ण तालुक्याचे लक्ष लागून राहिलेले या निकालामुळे सोगाव गावांमध्ये सरपंच विशाल सरडे यांच्या समर्थक आणि आनंद उत्सव साजरा केला.