घारगावच्या विद्यमान ग्रामपंचायत सदस्या माजी सरपंच सौ लक्ष्मी संजय सरवदे लोकशाहीर डॉ. आण्णा भाऊ साठे गुण गौरव पुरस्काराने सन्मानित*
करमाळा प्रतिनिधी
घारगाव येथील विद्यमान ग्रामपंचायत सदस्या माजी सरपंच सौ लक्ष्मी संजय सरवदे यांना अखिल बोपोडी मातंग युवक संघटना पुणे या संस्थेच्या वतीने लोकशाहीर डॉक्टर अण्णाभाऊ साठे गुणगौरव पुरस्कार आज दिनांक १/८/२०२४ रोजी रुक्मिणी हॉल बोपोडी पुणे या ठिकाणी सन्मानित करण्यात आले.
अखिल बोपोडी मातंग युवक संघटना च्या वतीने संपूर्ण महाराष्ट्रातील समाज दूतांना सामाजिक शैक्षणिक आरोग्य विषयक कला क्रीडा सर्व क्षेत्रात उल्लेखनीय व भरीव योगदान देणाऱ्या समाज धुतांना लोकशाहीर डॉ. अण्णाभाऊ साठे गुण गौरव पुरस्कार दिला जातो. यावेळी आमदार मा. सिद्धार्थ शिरोळे, नगरसेवक प्रकाश ढोरे माजी नगरसेवक आनंद छाजेड व संघटनेचे संस्थापक अध्यक्ष मा. अंकुशराव साठे अध्यक्ष सुरेश पवार, उपाध्यक्ष सूर्यकांत सकट, सरचिटणीस विशाल घाडगे, कोषाध्यक्ष राजेश शेंडगे यांच्या हस्ते सन्मानपत्र व सन्मान चिन्ह देऊन सन्मानित करण्यात आले यावेळी अनेक पुरस्कारथी मान्यवर उपस्थित होते
राजमाता प्रतिष्ठानच्या माध्यमातून आपण समाजाचे काहीतरी देणे लागतो या हेतूने गोरगरीब, अस्थिव्यंग ,मूकबधिर, मतिमंद, निराधार, तसेच ग्रामीण भागातील विद्यार्थी, शेतकरी बांधव, यांना मोलाच असं सहकार्य सामाजिक बांधिलकी जपत वृक्षारोपण, डोळे तपासणी शिबिर, गोरगरिबांना अन्नधान्य वाटप, ज्येष्ठ नागरिकांसाठी तपासणी शिबिर अशा अनेक प्रकारच्या माध्यमातून जमेल तेवढे समाजासाठी काम करत राहणे आदी सामाजिक कामे केली आहेत याची दखल घेत अखिल बोपोडी मातंग युवक संघटना पुणे या संस्थेने सौ लक्ष्मी संजय सरवदे मा.सरपंच ग्रामपंचायत घारगाव यांना कर्तुत्ववान महिला सन्मान गौरव पुरस्कार देऊन गौरविण्यात आले.
पुरस्कार मिळाल्याने घारगावचे माजी सरपंच किरण दादा पाटील, विद्यमान सरपंच आशा काकू देशमुखे, उपसरपंच दत्तात्रेय मस्तुद, माजी सरपंच सौ लोचना काकू पाटील, माजी सरपंच अनिता भोसले माजी उपसरपंच सतीश पवार कविता होगले, समस्त घारगावकर ग्रामस्थ व तालुक्यातील सर्व मित्र परिवारा बरोबरच आप्तेष्टांनी त्यांचे कौतुक व अभिनंदनाचा वर्षाव केला आहे.
आपण समाजाचे काहीतरी देणे लागतो या हेतूने सर्व समाज उपयोगी आम्ही ग्रामस्थांच्या व ग्रामपंचायतीच्या माध्यमातून आमचे सर्व सहकारी, सरपंच, उपसरपंच, सदस्य ,माजी सरपंच यांच्या सहकार्याने करत असतो. गावाच्या सर्वांगीण विकासासाठी व महिलाच्या अडीअडचणीसाठी व विद्यार्थ्यांसाठी सदैव सेवा करण्याचे काम करत राहणार असे मा.सरपंच लक्ष्मी सरवदे यांनी सांगितले आहे.
