प्रयोगशील युवा शेतकरी अभिजीत राजाभाऊ पाटील कृषी क्षेत्रात उल्लेखनीय काम केल्याबद्दल शेतकरी पुत्र फाऊंडेशन अहमदनगर यांच्या वतीने नँशनल ग्रेट अँचिवर्स पुरस्काराने सन्मानित

प्रतिनिधी वाशिंबे.(सुयोग झोळ)
वाशिंबे ता.करमाळा येथील प्रयोगशील युवा शेतकरी अभिजीत राजाभाऊ पाटील व कुटुंबियांना कृषि व कृषी सलग्न क्षेत्रात उल्लेखनीय काम केल्याबद्दल शेतकरी पुत्र फाऊंडेशन अहमदनगर यांच्या वतीने नँशनल ग्रेट अँचिवर्स पुरस्काराने सन्मानित करण्यात आले.

हाँटेल रेडीयन्स अहमदनगर येथील संपन्न झालेल्या कार्यक्रमात आमदार संग्राम जगताप, पद्मश्री पोपटराव पवार,बिजमाता पद्मश्री राहीबाई पोपरे यांच्या उपस्थितीत पुरस्काराचे वितरण झाले.पुरस्काराचे स्वरुप , प्रमाणपत्र,स्मृतिचिन्ह असे होते अभिजीत पाटील यांनी शेतात ड्रॅगन फृट,सफरचंद,येलंकी केळी,लाल केळी,तैवान पिंक पेरु,सिताफळ,शेवगा असे नवनवीन प्रयोग करत भरघोस उत्पन्न घेतलेले आहे. योग्य व्यवस्थापन व कमी कालावधीत भरघोस उत्पादन यामुळे पाटील यांची शेती परिसरातील शेतकर्याना मार्गदर्शनपर ठरत आहे. आपल्या शेतात माहिती साठी आलेल्या शेतकर्याना आवर्जून पिकातील बारकावे सांगत असतात.या सन्मानाबद्दल पाटील यांचे सर्व स्तरातुन कौतुक होत आहे.